Yunanıstanın şimalında yerləşən qədim Mieza şəhərində eramızdan əvvəl IV əsrə aid iri arxeoloji kompleks aşkarlanıb.
Lent.az xarici KİV-ə istinadla xəbər verir ki, kompleksin məşhur filosof Aristotelin gənc Makedoniyalı İsgəndərə dərs dediyi məktəb olduğu ehtimal edilir.
Arxeoloji qazıntılar zamanı ərazidə iki ziyafət zalı, idman meydançası, stadion, üstüörtülü qalereya və tədris üçün nəzərdə tutulan otaqlar aşkarlanıb. Bəzi otaqlarda daş oturacaqların olduğu müəyyən edilib.
Tikililərin döşəmələrində mozaikalar, müxtəlif hissələrində isə sütunlar aşkarlanıb. Ziyafət zallarında vaxtilə qonaqlar üçün nəzərdə tutulan yataqların yerləşdirildiyi xüsusi platformalar da qorunub saxlanılıb.
Mütəxəssislər kompleksin memarlıq və bəzək üslubunun qədim Makedoniyanın paytaxtı Egeydə yerləşən kral sarayına bənzədiyini bildirirlər. Bu oxşarlıq arxeoloqlara tikilinin kral ailəsi ilə əlaqəli ola biləcəyini düşünməyə əsas verir. Araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
