Azərbaycanın “Tələbə baharı”na MDB ölkələri də qoşulur

Nazirlikdən Lent.az-a verilən məlumata görə, festivalın keçirilməsində məqsəd, tələbələrin estetik tərbiyə sistemini təkmilləşdirmək, yaradıcı və istedadlı gəncləri üzə çıxarmaq, onlara dövlət qayğısını artırmaq, asudə vaxtlarını səmərəli təşkil etmək, yeni ünsiyyət və əlaqələrin formalaşdırılmasına şərait yaratmaqdır.

Nazirlik festivalın əhəmiyyətini nəzərə alaraq bu ildən etibarən, onun əhatə dairəsini genişləndirmək qərarına gəlib. Belə ki, nazirlik Azərbaycan Tələbə Gənclər Təşkilatları İttifaqı ilə birgə MDB-yə üzv dövlətlərin ali təhsil müəssisələri tələbələrinin iştirakı festivalın seçim mərhələlərini keçirib. Festivala müxtəlif nominasiyalar üzrə 20-dən çox ali təhsil müəssisəsindən 200-dən çox tələbə festivala qatılıb.

Festival zamanı iştirakçılara respublikanın tanınmış münsiflər heyəti səs verib.
Bu il festivalda baş tutacaq ən böyük yenilik Rusiya, Ukrayna, Qırğızıstan, Moldova, Tacikistan, Belarus və Özbəkistandan olan tələbələrin də tədbirə gəlmələridir.

Festivalın qala konserti isə mayın 31-də Akademik Milli Dram Teatrında təşkil olunacaq.

Xəyalə