Xanəndə Zabit Nəbizadə Mərakeşdə konsert verib
05 iyun 2009 20:15 (UTC +04:00)

Xanəndə Zabit Nəbizadə Mərakeşdə konsert verib

Muğam ustası, əməkdar artist Zabit Nəbizadə Mərakeşdə keçirilən milli musiqilərin beynəlxalq festivalında Azərbaycanı təmsil etmək üçün bu ölkədə səfərdə olub.

Bu barədə Lent.az-a xanəndənin özü məlumat verib. İyunun 5-də 6 günlük səfərdən dönən əməkdar artistin sözlərinə görə, Fes şəhərində baş tutan 2 saatlıq konsert proqramında bir dəstgah və təsniflərlə tamaşaçılar önünə çıxıb. Fransa, Almaniya və Avropanın bir çox sənətçi-tədqiqatçıların qatıldığı festivalda Zabit Nəbizadəni tarda Rövşən Qurbanov, kamançada isə Xəyyam Məmmədov müşayiət edib.

Qeyd edək ki, səfər xanəndənin Fransada yaşayan meneceri Murat Gümüşqayanın təşkilatçılığı ilə gerçəkləşib.

Lalə Yusifqızı
# 576

Oxşar yazılar