Sumqayıtda “40-cı qapı” filminin premyerası keçiriləcək

“Ritm production” kino şirkətinin direktoru, filmin prodüseri Xaqani Həşimovun Lent.az-a verdiyi məlumata görə, təqdimat dekabrın 24-də baş tutacaq.

Qeyd edək ki, təqdimat ARDNŞ-nin “Azərikimya” İstehsalat Birliyinin dəstəyi ilə Sumqayıtlılar üçün Şirkətin “Kimyaçı” Mədəniyyət Sarayında olacaq. Sumqayıt kimyaçıları, Təhsil və səhiyyə işçiləri üçün hazırlanan tədbirdə yaradıcı heyətlə bərabər filmlərimizdən mahnılar ifa edəcək nəğməli qonaqlar tədbirdə iştirak edəcəklər.

Mədəniyyət və Turizm Nazirliyinin sifarişi ilə “Ritm Production” da çəkilmiş “40-cı qapı” bədii filmi bu vaxta qədər dünyanın 28 nüfuzlu , beynəlxalq film festivallarında iştirak edib, müxtəlif nominasiyalarda 11 mükafat və 6 diplom qazanıb.

Filmin ssenari müəllifi və quruluşçu rejissoru Elçin Musaoğludur. Rollarda xalq artistləri Elmira Şabanova və Rafiq Əzimov, aktyorlar Həsən Səfərov, Rövşən Ağayev, Gülər Nəbiyeva və başqaları çəkilib.