Məmmədağa Dadaşovun 100 illik yubileyi qeyd olunacaq

Mədəniyyət və Turizm Nazirliyinin müvafiq əmri ilə Azərbaycan Dövlət Gənc Tamaşaçılar Teatrında görkəmli sənətkar, teatr və kino aktyoru, əməkdar artist Məmmədağa Dadaşovun anadan olmasının 100 illik yubileyinə həsr olunmuş yubiley gecəsi keçiriləcək. Teatrın mətbuat xidmətindən Lent.az-a verilən xəbərə görə, tədbirdə sənətkarın vaxtı ilə birgə çalışdığı teatr və kino xadimləri onunla bağlı xatirələrini bölüşəcək, çəkildiyi filmlərdən kadrlar nümayiş etdiriləcək. Tədbirin quruluşçu rejissoru və ssenari müəllifi Nicat Kazımovdur.

Qeyd edək ki, Məmmədağa Ağakərim oğlu Dadaşov 1912-ci il aprelin 12-də Bakıda doğulub. Hazırkı Dövlət Gənc Tamaşaçılar Teatrı da həmin dərnəyin bazasında yaradılıb və truppanın ilk aktyorlarından biri də Məmmədağa Dadaşov olub. 1957-ci ildə “Əməkdar artist” fəxri adına layiq görülmüş görkəmli aktyor 1996-cı ildə vəfat edib.

Tədbir noyabrın 20-də keçiriləcək.