"Arşın mal alan"ın 100 yaşını UNESCO keçirəcək

Lent.az-ın AzərTAc-a istinadən məlumatına görə, mədəniyyət və turizm naziri Əbülfəs Qarayev ilə görüşdə ölkəmizin UNESCO ilə əməkdaşlığı yüksək qiymətləndirilib, Azərbaycanin birinci xanımı, Heydər Əliyev Fondunun prezidenti, UNESCO-nun xoşməramli səfiri Mehriban Əliyevanın bu istiqamətdə gördüyü işlər və həyata keçirilən tədbirlər diqqətə çatdırılıb.
Nazir Ə.Qarayev, həmçinin 2013-cü ildə Azərbaycanın UNESCO-nun Qeyri-maddi mədəni irs Konvensiyasının 10 illik yubileyinə ev sahibliyi edəcəyini xüsusilə qeyd etmiş və bu istiqamətdə artıq müəyyən tədbirlərin həyata keçirildiyini bildirib.Ə.Qarayev Azərbaycanın zəngin mədəniyyəti, musiqisi və tarixi barədə qonaqlara məlumat vermiş, UNESCO-nun qərargahında qeyd olunan yubileyləri və tədbirləri xatırladıb.O, dahi bəstəkar Üzeyir Hacıbəylinin bəstələdiyi, müsəlman Şərqinin ilk oprettası "Arşın mal alan"ın 100 illik yubileyinin 2013-cü ildə UNESCO çərçivəsində qeyd olunacağını qonaqların nəzərinə çatdırıb.