Üçüncü uşaq istədi, üçü birdən gəldi

Almaniyanın Hamburq şəhərində yaşayan 42 yaşlı Karolina Ferreyra Santos Filip 32 həftəlik hamilədir və üçüncü hamiləliyində üçəm gözləyir. O, üçüncü övladını dünyaya gətirmək istəyərkən birdən bətnində üç körpə olduğunu öyrənib. Üstəlik, digər hamiləliklərindən fərqli olaraq, bu hamiləlik dövründə o, IVF etdirməyib.

Hamburqda yaşayan ailə dörd metr enində yataq alıb. Dəhlizdə üç yeni doğulmuş uşaq üçün yer olan uşaq arabası hazırdır.

Lent.az-ın xarici mediaya istinadla xəbərinə görə, Filip deyir ki, hamilə olduğunu anlayanda Portuqaliyada tətildə idilər, lakin bu dəfə hər şey onun 5 yaşlı Julien Mateo və 3 yaşlı Lya Julie ilə keçirdiyi hamiləliklərdən fərqli idi: "Mənim qasıqlarımda şiddətli ağrılar var idi, daha çox ürək bulanması var idi və mən tamamilə yorğun idim".

Portuqaliyada olarkən dərhal müayinə üçün görüş təyin edib və səkkiz həftədə üçəmlərə hamilə olduğunu bilib. "Həyat yoldaşım və mən buna sadəcə güldük, heç də şoka düşmədik", - Filip deyib.

Ancaq həkimin bir təklifi bir anda vəziyyəti dəyişib. Philipp bildirib ki, həkimləri üçəmlərdən birini (2 qız, 1 oğlan) götürməyi təklif ediblər ki, digər iki körpənin daha çox yaşama şansı və məkanı olsun: "Biz şoka düşdük, belə bir şey bizim üçün heç vaxt seçim ola bilməz. Təbiətin qərar verməsini istədik".

Təbiət də onlara yaxşı davranıb.

Hamiləliyi nə qədər çətin olsa da, hər şeyə yumorla yanaşdığını deyən qadın, qarnının dərisi tamamilə nöqtələrlə örtüldüyü üçün özünü "Sams" (bədəni nöqtələrlə örtülmüş cizgi filmi qəhrəmanı) kimi təqdim edir. O deyir ki, bel ağrısı olmasın deyə “döyüş kəməri”ni bərkitmədən bağlayır.

Filip 34-cü həftədən başlayaraq xəstəxanaya yerləşdirilməlidir.