Tam ay yuxuya təsir edirmi? Nüfuzlu araşdırmanın NƏTİCƏLƏRİ

Tam ay ilə bağlı çoxlu sayda mif var: onlardan biri, məsələn, tam ayın insanlarda yuxusuzluğa səbəb olduğunu söyləyir.

Lent.az-ın xarici mətbuata istunadən məlumatına görə, alimlər Ay fazalarının yuxuya təsirini anlamağa çalışıblar.

Ay yuxuya təsir edirmi?

Bu suala cavab vermək üçün bir araşdırma təşkil edilib, bunun nəticələrinə görə elm adamları tam ayda və ondan bir həftə əvvəl insanların digər günlərə nisbətən daha gec yatdıqları və daha az yatdıqları qənaətinə gəliblər.

Tutaq ki, parlaq Ay keyfiyyətli yuxuya mane ola bilər, çünki yuxuya getmə vaxtı, melatonin istehsalı və istirahətin keyfiyyəti işıq səviyyəsindən asılıdır.
Ancaq başqa bir təcrübənin nəticələrinə görə, bu, təkcə Ayla bağlı deyil.

Alimlər bu dəfə eksperimental şəraitə görə qaranlıq laboratoriyada yuxuya getməli olan insanların yuxu quruluşunu, beyin fəaliyyətini və melatonin və kortizol səviyyələrini təhlil ediblər.

Hətta işığın, ümumiyyətlə, olmadığı bir otaqda belə, tam ayda insanların yuxuya getməsi üçün 5 dəqiqə daha çox vaxt lazım olub və yuxuları 20 dəqiqə az davam edib.

Araşdırmaların müəyyən edə bildikləri təkcə bu deyil: "eksperimental subyektlərdə" dərin yuxu müddəti 30 faiz azalıb və melatonin səviyyəsi aşağı düşüb.

Subyektlərin özləri yuxularının pisləşdiyini görüblər.

Ancaq açıq desək, diametral şəkildə əks nəticələr verən tədqiqatlar var.

İsveçli alimlər 2000-dən çox insan haqqında məlumatları təhlil edərək, ayın müxtəlif fazalarında yuxunun keyfiyyəti və müddətində əhəmiyyətli fərqlər tapa bilməyiblər.

Böyük Britaniyadan olan tədqiqatçılar təxminən eyni nəticəyə gəliblər.

Bununla belə, qadınları və kişiləri ayrı-ayrılıqda sınaqdan keçirdikdən sonra məlum olub ki, zərif cinsin nümayəndələri daha qısa REM yuxu mərhələsinə sahibdirlər, bu müddət ərzində insan tam ayda yuxu görür, kişilərdə isə daha uzun olur.