MDB ölkələrində müxtəlif dinlərin nümayəndələri yaşayır. Pasxa bayramı zamanı pravoslav xristianlar həmkarlarını, dostlarını və qonşularını kulic, boyanmış yumurta və digər şirniyyatlarla qonaq edirlər.
Lent.az xarici mediaya istinadən xəbər verir ki, ekspertlər digər dinlərin nümayəndələrinin bu cür təamları qəbul edib-etməyəcəyini izah ediblər.
Pravoslav xristianlarının ən mühüm dini bayramlarından biri olan Pasxa bayramının əsas atributlarından biri kulicdir.
Kuliç gündəlik şirniyyat deyil – o, yalnız Pasxa üçün hazırlanır. Ənənəyə görə, onun bişirilməsi zamanı evdə sakitlik, təmizlik və yaxşı əhval olmalıdır, əks halda kuliç “qalxmaya” və ya uğursuz alınmaya bilər.
Müsəlmanlar Pasxa kulici yeyə bilərmi?
İslamda qida “halal” (icazəli) və “haram” (qadağan olunmuş) anlayışlarına görə qiymətləndirilir. Haram qidalara donuz əti, spirt və s. daxildir.
İslamşünaslar müsəlmanların kuliç yeməsinin ümumilikdə qadağan olmadığını bildirir:
• Əgər kuliçin tərkibində haram məhsullar yoxdursa, onu yemək olar
• Boyanmış yumurtalar da eyni qaydada icazəlidir
Yəhudilər kulic yeyə bilərmi?
Yəhudilikdə qida qaydaları Kaşrut qanunlarına əsaslanır. Yalnız “koşer” hesab edilən qidalar icazəlidir.
Şirniyyatlara ümumiyyətlə qadağa yoxdur, lakin bəzi ortodoks ravvinlər kulicin qəbulunu düzgün hesab etməyiblər. Səbəb isə onun xristian dini ayini ilə əlaqələndirilməsidir.
Müasir yanaşmaya görə:
• Kuliç adi qida kimi qəbul edilərsə, onu yemək olar
• Ona dini məna yüklənməməlidir
Yəni əsas məsələ qidanın özü yox, ona verilən mənadır.
Buddistlər kulic yeyə bilərmi?
Buddizmdə gündəlik qidalanma ilə bağlı sərt universal qadağalar yoxdur. Əksər hallarda seçim insanın özünə aiddir.
Bu baxımdan:
• Kuliç başqa dinə aid olduğu üçün avtomatik “qadağan” sayılmır
• Sadəcə qonaqlıq kimi təqdim olunursa, qəbul edilə bilər
Bu yanaşma buddist ənənəsində “veriləni qəbul etmək” prinsipinə uyğundur.
Lakin bəzi məqamlar nəzərə alınır:
• Əgər kuliç dini ayinin bir hissəsi kimi yeyilirsə, bu uyğun sayılmaya bilər
• Bəzi monastırlarda şirin və bayram yeməklərindən uzaq durmaq qaydası var
• Vegeterian buddistlər üçün isə kuliçdəki yumurta problem yarada bilər
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
