İsti havalar evdə dava-dalaşı artırır - ARAŞDIRMA

Orta illik temperaturun bir dərəcə artması ailədaxili fiziki və cinsi zorakılıq hallarının 6,3 faiz artması ilə nəticələnir.

Lent.az xəbər verir ki, bu barədə "JAMA Psychiatry"nin dərc etdiyi araşdırmanın nəticələri məlumat verir.

Tədqiqatda Hindistan, Pakistan və Nepaldan olan 15-49 yaş arası təxminən 200.000 qadın iştirak edib. Müsahiblərin 2010-cu ildən 2018-ci ilə qədər yaşadıqları emosional, fiziki və cinsi zorakılığa dair məlumatları eyni dövr üçün temperaturun dəyişməsi göstəriciləri ilə əlaqələndirilib. Məsələn, Hindistanda temperaturun bir dərəcə artması ilə fiziki zorakılıqda 8 faiz, cinsi zorakılıqda isə 7,3 faiz artım olub.

Tədqiqatçılar müəyyən ediblər ki, isti ilə bağlı şiddət artımları bütün gəlir səviyyələrindən olan insanlarda müşahidə edilsə də, onlar aşağı gəlirli və kənd evlərində daha güclüdür. Utah Pradeş Qadınlar Komissiyası ilə işləyən hindli fəal Suniti Qarqinin sözlərinə görə, yüksək temperatur daha çox yayıldıqca ailələrdə böyük iqtisadi stress yaradır.

"Əgər bir kişi iş tapmaq üçün başqa bir ştata köçə bilərsə, bu, onun öz güvəninin artmasına kömək edə bilər. Lakin hər hansı bir səbəbdən bunu edə bilməyəndə qəzəbi və dəyərsizliyi arvadının üzərinə düşür", deyə o bildirib.

Yale Universitetinin ətraf mühitin sağlamlığı üzrə professoru və tədqiqatın müəllifi Mişel Bellə görə, həddindən artıq istilərin sosial iqtisadi amillərə, stressə təsir edə biləcəyi, aqressiya səviyyəsini artırdığı və psixi xəstəlikləri şiddətləndirdiyinə dair sübutlar artmaqdadır ki, bu da orqanizmə kombinasiyada təsir göstərir.