19-cu əsrdə qadınlara qoyulan 3 absurd qadağa

Keçmişin reallıqları müasir həyatdan əhəmiyyətli dərəcədə fərqlənir. Xüsusilə, qadınlar üçün çoxlu qadağalar mövcud idi.

Lent.az 19-cu əsrdə qadınlara qoyulmuş üç qəribə qadağadan bəhs edir.

Kafelər və gəzintilər

19-cu əsrin birinci yarısında bir qadın yalnız əri ilə restoranda, kafedə və ya kurortda görünə bilərdi. Bir xanım təkbaşına ictimai yemək yerinə girsəydi, onun reputasiyası həmişəlik ləkələnərdi.
Həm də o dövrün qadınlarına tək gəzməyə icazə verilmirdi - yalnız kişi və ya yaşlı bir xanımla küçəyə çıxmaq olardı.

Velosiped sürmək

19-cu əsrdə velosiped sürən xanım pozğun hesab edilirdi. İlk qadın velosipedçilər dəfələrlə hücuma məruz qaldılar və hətta daşqalaq edildilər. O dövrün həkimləri velosiped sürməyin qadınların sağlamlığına zərərli olduğunu və "həssaslığı alovlandıra biləcəyini" deyirdilər. Məhz buna görə, qadınlar ata minərkən ayaqlarını atın belinə aşırmır, hər iki ayaqlarını bir tərəfə qoyaraq yanı üstə otururdular.

Şalvar

Bəli, indi demək olar ki, heç bir qadının özünü onsuz təsəvvür edə bilməyəcəyi bu rahat geyim əvvəllər qadağan edilmişdi.

Şalvar 1851-ci ildə Avropa modasına girdi, bu da kişilər və kilsə nümayəndələri arasında şiddətli qəzəb doğurdu. Yeri gəlmişkən, onları yazıçı və feminizmin qurucularından biri Amelia Bloomer açıq şəkildə geyinirdi, buna görə də onları "bloomers" adlandırırdılar.

İlk şalvar yüksək belli şalvar formasında hazırlanmışdı. Onlar velosiped sürən qızlar arasında tez bir zamanda populyarlıq qazandılar, çünki uzun ətəklə velosiped sürmək olduqca narahat idi.

Həmçinin, "şalvar hərəkatı" o dövrün bütün qız fəalları tərəfindən dəstəkləndi, bunun sayəsində "bloomers" qadınların öz hüquqları uğrunda mübarizəsinin simvollarından birinə çevrildi.