Teymur Əmrah Yalçın Rzazadəyə cavab verdi: “Ağsaqqaldır...”

Əməkdar artist Teymur Əmrah xalq artisti Yalçın Rzazadənin onun barəsində söylədiyi fikirlərə münasibət bildirib. Lent. az-a açıqlama verən ifaçı söyləyib ki, həmkarının repertuarına müraciət edib və mahnının bəstəkarına vaxtında “sağ ol” unu deyib: “ “Əlvida” mahnısına müraciət edəndə Cabir Novruz da, Oqtay Kazımi də sağ idi. Həmin vaxt Mirzə Babayev də studiyaya gəlmişdi. Oqtay müəllim ifamı eşidib kövrəldi və dedi ki, sən də gözəl oxumusan, Yalçın müəllim də. Düzdür, bəzi verilişlərdə mahnının ilk ifaçısına təşəkkür etməyi unutmuşam. Amma bəstəkarın adını həmişə çəkmişəm. Çünki mahnının müəllifi bəstəkardır. Yalçın müəllim ağsaqqaldır. Nə deyir, desin”.