Amerikalı tanınmış aktrisa Codi Foster rəfiqəsi 44 yaşlı Aleksandriya Hedisonla evlənib.
Lent.az-ın “BBC”-yə istinadən məlumatına görə, aktrisanın təmsilçisi bildirib ki, Fosterlə Hedison arasında yaxınlıq 2013-cü ilin yayından başlayıb. Onların toyu ötən həftə olub. O, mərasim haqda ətraflı danışmaqdan imtina edib.
51 yaşlı Codi Fosterin rəfiqəsi ilə nikahı ABŞ-ın Kaliforniya ştatında kəsilib. Ölkənin bu bölgəsində cinsi azlıqların evlənməsinə qanunla icazə verilir.
Aktrisa və rejissor, iki dəfə “Oskar” mükafatı laureatı, Foster qeyri-ənənəvi seksual yönü haqda 2013-cü ilin yanvarında, “Qızıl qlobus” mükafatının təqdimetmə mərasimində açıqlayıb.
Codi Foster 20 il prodüser Sidni Bernardla münasibətdə olub və onlar birlikdə iki oğul böyüdüblər.
Aleksandriya Hedison isə Fosterdə öncə başqa bir aktrisa və teleaparıcı Elen Li Decenereslə münasibət saxlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
