Türkiyənin tanınmış müğənnisi, estrada ulduzu Sibel Can bu gecə bakıya gəlir. Lent.az-ın məlumatına görə, müğənni iyunun 25-də “Hollivud” əyləncə mərkəzində canlı konsert proqramı ilə çıxış edəcək.
Konsertin təşkilatçısı, "Səs Muzic Orqanization"un rəhbəri Nahid Eminoğlunun Lent.az-a verdiyi məlumata görə, türk ulduzu bu gecə, Bakı vaxtı ilə saat 05.00-da Heydər Əliyev adına Hava limanına enəcək.
Nahid onu da əlavə etdi ki, Sibel Candan öncə səhnəyə skripka ifaçısı Rasim çıxacaq.
Onu da qeyd edək ki, orkestri ilə birgə paytaxtımıza təşrif buyuracaq Sibel Can 3 saatlıq konsert proqramı ilə Bakı sakinlərini əyləndirəcək. Gecədə bir çox sürprizlər gözlənilir.
Xatırladaq ki, restoranda baş tutacaq konsertin biletlərinin qiyməti 300-500 AZN arasıdır.
Konsertin informasiya dəstəkçisi Lent.az-dır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
