Şeron Stoun çimərliyə getməkdən utanır

Tanınmış aktrisa 56 yaşlı Şeron Stoun idman formasını itirib.

Lent.az-ın “starhit”-ə istinadən məlumatına görə, “Əsas istinkt” filminin “ulduzu” bildirib ki, bir neçə aydır idmanla məşğul olmur və yaxın günlərdə məzuniyyətə yollanacaq: “Çox güman paparatsilər məni izləyəcək”.

O, fiqurasının ideal haldan çox uzaq olduğunu etiraf edərək, açıq şəkildə deyib: “Bir neçə aydır idman zalına getmirəm. Sadəcə olaraq, getmək istəmirəm”.

Ş.Stouen məzuniyyətdə olduğu zaman çəkiləcək fotoları və onlar yazılacaq başlıqlardan da danışıb: “Mən həmin səhifələrdəki başlıqları öncədən görürəm – “Bu nədir? Formasız pendir parçası?” Mən deyərdim bu “Bri” pendiridir”.

Şeron zarafatını davam etdirərək, əlavə edib ki, hamının onun güngörməzindən deyil, tatuajından danışması üçün sağrısına belə döymə yazdırmaq istərdi: “Bir tikə istəyərsinizmi?”.

O, çimərliyə getməkdən də utandığını gizlətməyib.