Keçmiş jurnalist, vaxtı ilə mətbuatda Sevinc Akifqızı imzası ilə tanınan mədəniyyət yazarı yeni diskinin təqdimatını edib.
Lent.az-ın məlumatına görə, iki ildən çoxdur şou aləminə qatılan Sevinc Akifqızı şeirlər yazıb, sözlərinə mahnılar bəstələnib.Onun mahnılarını tanınmış müğənnilər oxuyur.
Sevinc Akifqızı şeirlərinə bəstələnən mahnıları bir diskə toplayıb. Qələm dostları, tanınmış sənətçilərlə birgə diskinin təqdimatını keçirib.
Təqdimatda onun şeirlərinə bəstələnən mahnıları ifa edən tanınmış müğənnilər iştirak edib. Şairənin qələm dostları Cığatel, Baloğlan Əşrəfov, Yusif Mustafayev, Firuz Səxavət və başqa qonaqlar səbəbkarı təbrik ediblər. Məclisdə müğənnilər Sevinc Akifqızının sözlərinə yazılmış mahnıları oxuyublar.
Qeyd edək ki, diskdə olan şeir və mahnılar əsasən ana, məhəbbət mövzusundadır. Şairənin sözlərinə bəstələnən mahnıları tanınmışlardan xanəndə Elnarə Abdullayeva, müğənnilər Sədaqət, Səyyad Əlizadə, Tağı Salahoğlu, Rübabə və başqaları ifa edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
