Azərbaycanın tanınmış təşkilatçısı Nahid Emiloğlu mətbuata müraciət ünvanlayıb. Lent.az vasitəsi ilə ünvanladığı müraciətdə təşkilatçı bildirib: “Yaşıl Teatrda 13.09.2013 tarixində müğənni Nadir Qafarzadənin “Sən mələksən” adlı konsertinin informasiya dəstəyi Lent.az-a, eksklüziv yayım hüququ isə “Lider” telekanalına məxsusdur. Məhz buna görə də, dəyərli media nümayəndələrinin diqqətinə çatdırmaq istəyirəm ki, Nadir Qafarzadənin konsertində yalnız 3 mahnıya qədər foto və video yayımlamağa, işıqlandırmağa icazə var. Bütöv konsertin işıqlandırmaq hüququ Lent.az və Lider Tv-yə məxsus olacaq. Bu xatırlatmanı öncədən söyləməyi özümə borc bildim”.
Təşkilatçı daha sonra bildirib ki, bu saatlarda müğənni N.Qafarzadə 13 sentyabrda Yaşıl Teatrda verəcəyi konsertin məşqini edir.
Qeyd edək ki, N. Qafarzadənin konsertinin biletləri 11-33 manat arasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
