Mətanətlə Əli Mirəliyev arasında QALMAQAL: "Səsi yoxdur"

“ATV”nin “Gündəlik” verilişinin aparıcısı Mətanət Əliverdiyeva müğənni Əli Mirəliyevin bostanına daş atıb. Lent.az-ın məlumatına görə, aparıcı proqram zamanı bildirib ki, Ə.Mirəliyevin səsi yoxdur: “İndi Əli müəllimin qulaqları cingildəyir. Onun səsi olmayıb. Mənim də musiqi anlayışım var. O, sadəcə musiqinin qrammatikasını güclü bilir. Amma səsi yoxdur. Neçə dəfə verilişimə gəlib, 40 il əvvəl yazdırdığı mahnıları oxuyur. Bəlkə də mən doğulmamışdım, o mahnıları yazdırmışdı. Yeni mahnılar oxumur. Ancaq başqalarına söz atmaqla gündəmə gəlir. Əsəbiləşirəm. Ondan danışıb, onu reklam etmək istəmirəm. Səsin yoxdursa, gərək səhnə etikan olsun. O da yoxdursa, daha mənim ona sözüm yoxdur”.