Bu gün xalq artisti İlhamə Quliyevanın xalq artisti Nazpəri Dostəliyevaya qarşı qaldırdığı iddia üzrə Nəsimi rayon Məhkəməsində məhkəmə prosesi keçirilib.
İlhamə Quliyevanın vəkili Şəfiqə Nağıyeva APA-ya açıqlamasında bildirib ki, proses iyulun 2-də davam edəcək: “Hakim Etibar Hümbətovun sədrliyi ilə keçirilən məhkəmə prosesində qarşı tərəf, yəni Nazpəri Dostəliyevanın vəkili çıxış üçün vaxt istədiyinə görə proses iyulun 2-də davam edəcək”.
Qeyd edək ki, İlhamə Quliyevanın şikayət ərizəsi aprelin 23-də Nəsimi Rayon Məhkəməsinə təqdim olunub. İlhamə Quliyeva iddia ərizəsində Nazpəri Dostəliyeva tərəfindən ictimai şəkildə şərəf və ləyaqətinin alçaldıldığını, işgüzar nüfuzuna xələl gətirildiyini bildirib. Bundan öncə isə iyunun 10-na təyin edilmiş məhkəmə prosesi hakimin dəyişməsi səbəbindən təxirə salınıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
