Elza Seyidcahan: “İnsanları heyrətləndirəcəm”

Elza Seyidcahan sentyabrın 19-da saat 19:00-da istirahət məkanlarının birində “Uğura doğru” adlı solo konsert verəcək. Bu barədə Lent.az-a müğənni məlumat verib. Müğənni bildirib ki, konsertində insanları heyrətləndirəcək: “Tamaşaçılar bilirlər ki, mən hər zaman oxuduğum mahnılarla, geyindiyim libaslarla və ümumilikdə etdiyim layihələrlə insanları təəccübləndirirəm. Elə keçən ay gerçəkləşdirdiyim “Bir damcı su” adlı konsertimdə də məni sevənləri mat qoydum. Bu konsertimdə isə hər kəsi heyrətləndirəcəm. Yeni mahnılar, yeni libaslar hazırlanır. Konsertlərim hər zaman canlı olub, bu dəfə də belə olacaq”.

E.Seyidcahan fotosessiya etdirən həmkarlarından da söz açıb: “ Fotosessiya edən həmkarlarımın özlərini mənə oxşatmasından sevinirəm. Bu, mənim uğurum və nailiyyətimdir. Hər bir insan öz uğurunun memarıdır. Artıq yaxşı memar sayılıram. Özlərini mənə bənzədən həmkarlarıma hər zaman dəstək olmağa hazıram”.