Eldar Qasımov “Böyük səhnə” ilə gəlir

Azərbaycanın "Eurovision" qalibi Eldar Qasımov “Böyük səhnə”də görünmək istəyənlərin arzusunu gerçəkləşdirəcək. Lent.az-ın məlumatına görə, Eldar Qasımovun iştirakı ilə gerçəkləşəcək layihə “Böyük səhnə” adı altında keçiriləcək. Bu layihə üçün bir müddət əvvəl sənətçi öz “Facebook” səhifəsində yerləşdirdiyi elanda istedadlar axtarışında olduğunu bildirmişdi. Məhz sözügedən layihə ilə əlaqədar olaraq yanvarın 16-da bu beynəlxalq musiqi layihəsinə start veriləcək. Azərbaycanın paytaxtı Bakıda keçiriləcək bu layihədə Eldar Qasımovla bərabər digər ölkələrdən tanınmış mütəxəssislər də yaxından iştirak edəcək.

Eldar Qasımov gənclərə müraciət də edib: “Əgər sən oxumağı sevirsənsə və ömrün boyu böyük səhnəni və sadiq pərəstişkarları arzulayırdınsa, onda sənin yerin məhz bizimlədi! Sadəcə buna can atmaq və bizə doğru gəlmək lazımdır”.