Azərbaycan teleməkanında yeni, “Qrup №1” layihəsi başlayır. Lent.az-ın məlumatına görə, ATV -nin efirində yayımlanacaq layihədə müxtəlif janrlı musiqi qrupları iştirak edəcək. İştirakçıları peşəkar münsiflər heyəti seçəcək. Münsiflər bəstəkar Vüsalə Hikmət, bəstəkar Elçin İmanov, musiqiçi və bədii rəhbər Asif Kərimov, şair Reşat Kəsəmənli və tanınmış reper “Dəyirman” qrupunun üzvü El-Mirdir. Layihənin dörd daimi və bir dəyişən münsifi olacaq.
Əsas məqsəd istedadlı gənclərin üzə çıxarılması, onların potensialını böyük auditoriyaya təqdim etmək, bu sahəyə özünəməxsus tərzdə yeniliklər gətirməkdir.
Qeyd edək ki, layihənin seçim turuna müxtəlif janrda (muğam, pop, rep, estrada, rok, latina və s.) ifa edən qruplar qatılıb. Əsas mərhələ üçün 20 qrup seçilib. Layihə hər həftənin bazar ertəsi saat 22:00-dan 00:00-dək ATV-nin canlı efirində yayımlanacaq.
Verilişin aparıcısı İlkin Həsənidir. Layihəsinin informasiya dəstəyi LENT.AZ-a məxsusdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
