Bakı şəhərində Rusiyanın tanınmış pop-ulduzu müğənni Alsunun yeni klipi çəkilir.
Bu məqsədlə Alsu sabah Bakıya gələcək.
APA-nın məlumatına görə, Alsu əvvəlki kliplərində Mariya İbrahimova ilə əməkdaşlıq edib. Alsu növbəti dəfə də M.İbrahimova və «Cinex» kino şirkəti ilə klip çəkilişlərini davam etdirmək niyyətindədir. Pop və R&B janrında olan yeni «Ostansya» («Qal») mahnısı Bakı və Abşeronda çəkiləcək.
«Mən çox şadam ki, repertuarımda, nəhayət ki, belə bir dinamik mahnı var. Ən əsası isə bu mahnımın klipi yenidən sevimli şəhərim Bakıda çəkiləcək», - deyə Alsu qeyd edib.
Çarxda Lyubov Qutorovanın «Fashion Model School» moda agentliyi, o cümlədən modellərdən Samira Akmanova, Məhbubə Məmmədzadə və Yelena Malışeva iştirak edəcəklər. Obrazların üzərində «Aldo Coppola» salonunun stilistləri işləyəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
