Ağadadaş Ağayev hədələdi: “...qanun qarşısında cavab verəcəklər”

Xalq artisti Ağadadaş Ağayev yayılmış videosundan danışıb. Lent.az-ın məlumatına görə, “Ans”in “Adam içində” proqramına telefon bağlantısı edən A.Ağayev fikirlərini bu sözlərlə ifadə edib: “ Mənim üçün gözlənilməz oldu. Bu videoya baxdığım zaman güldüm. Bu insanlar mənim konsertimdən sonra mənlə bir masa arxasında əyləşməyimdən istifadə ediblər. Mən demək istəyirəm ki, biz müstəqil, hüquqi bir dövlətdə yaşayırıq. Müstəntiqlər tərəfindən araşdırılacaq, günahkarlar öz cavabını alacaqlar. Onlar mənim sadəliyimdən, səmimiliyimdən istifadə edib, mənim nüfuzuma xələl gətiriblər. Onlara fant da demək olmaz. Mən öz pərəstişkarlarıma desəm, o insanları yerlə - yeksan edərlər. O ki qaldı bu videoya, 1-ildir, Bakıda kənardayam. Övladımın, səhhəti pis olduğu üçün vətənimdən kənar düşmüşəm. Başım övladıma qarışıb. İnşallah, fevralın axırları Bakıya qayıdacam. Bu məsələdə günahkarlar cavabını alacaq. Daha sonra bununla bağlı ictimaiyyətə məlumat veriləcək”.