[b]İddialı müğənni yeni işini təqdim etdi [/b]

“Yeni ulduz” yarışmasından tanınan müğənni Gül Xanlarova maraqlı açıqlamalar verib.

Lent.az-a açıqlamasıda müğənni bildirib ki, onun şou-biznesə gəlişi bir çoxlarını narahat edib: “Neçə illərdir ki, musiqi ilə məşğulam. Repertuarıma yeni mahnılar daxil etmişəm. Onların arasında tanınmış bəstəkarların mahnıları ilə yanaşı gənc bəstəkarların mahnıları da var. Şou-biznes aləmi çox çətin yerdir. Burada baş çıxarmaq hər kəsin işi deyil. Amma mən bu sahədə sözümü deməyə, tanınmağa iddialıyam ”.

Gül daha sonra bu gün təqdim etdiyi “Gəl yanıma” adlı klipindən söz açıb: “Bu gün yeni klipimi təqdim etdim. Düşünürəm ki, ekran işi bəyəniləcək. Mahnın sözləri və musiqisi Nihad Cabbara məxsusdur”.

Qeyd edək ki, “Gəl yanıma” adlı klipin rejissoru Pənah Eldara, aranjemanı isə Cavid Şirinovdur. İdeya müəllifi İslam Ağaya məxsusdur. Operatorluğu Tacəddin Asifoğlu, montajı isə Sənan Səfərov edib.