“Eurovision 2014” Azərbaycan təmsilçisi Dilarə Kazımova Avrora promo-turu çərçivəsində sonuncu səfəri Maltaya olacaq. Lent.az-ın məlumatına görə, bu gün Maltaya yola düşməyə hazırlaşan D.Kazımova öz təəssüratlarını bölüşüb: “Malta sehrli bir ölkədir. Malta barədə çox eşitmişəm və nəhayət ki, həmin ölkəni canlı görmək imkanım olacaq. Düşünürəm ki, ilk səfərimdə oranın sakinləri ilə ünsiyyətdə olmağa vaxtım olacaq”.
Xatırladaq ki, Dilarə səfəri zamanı Maltanın populyar “TVPM” və “Xarabank” teleşoularında iştirak edəcək. “Xarabank” teleşousunun efirində o, özünün müsabiqə mahnısı olan “Start a Fire” ni oxuyacaq. Təmsilçimiz sonra “Magic Radio” və “Radio Malta” nın efirində pərəstişkarları ilə ünsiyyətdə olacaq, promo-tur və Eurovision 2014-də hazırlıqlarından danışacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
