“Toyu  silahlı adamlar   basdı, bəylə birgə bütün kişiləri götürüb getdilər” - Damla
29 yanvar 2024 15:15 (UTC +04:00)

“Toyu silahlı adamlar basdı, bəylə birgə bütün kişiləri götürüb getdilər” - Damla

“Gəncədə toyda idim. Çox şən toy gedirdi. Anidən gəlinin atası yıxıldı, hamı ətrafına toplaşdı. Adamın ürəyi dayanmışdı. Gəlinin ağ libasda meyiti qucaqlayıb qışqıraraq ağlamasını unuda bilmirəm”.

Bu fikirləri Lent.az-a müsahibəsində müğənni Damla söyləyib. O, getdiyi el şənliklərində və toylarda başına gələn maraqlı məqamlardan danışıb.

“Gürcüstanda toyda qulağımın dibində atəş açdılar. Qorxudan ölmüşdüm. Çox pis qorxmuşdum. Ömrümdə silah görməmişdim. Özümü toplayıb məclisi idarə eləmək xeyli zamanımı aldı. Çox çətin olmuşdu o gün mənə”, - müğənni bildirib.

O, Rusiyada toyda yaşanmış qeyri-adi bir hadisədən də danışıb.

“Peterburqda toyda idik. Çox şən bir məclis idi. Birdən əli silahlı polislər məclisi basdılar. Heç kimin şadlıq evindən çıxmağa ixtiyarı yox idi. Hadisə olmuşdu, bütün kişiləri, hətta toyun bəyini də götürüb apardılar. Toy cəmi 2 saat davam etdi. Məclisdə ancaq qadınlar qalmışdı, Məcbur olduq, məclisi dayandırdıq”, -  o vurğulayıb.

Damla ilə tam müsahibəni Lent.az saytında izləyə bilərsiniz.
 

# 6276
avatar

İlhamə HƏKİMOĞLU

Oxşar yazılar