Tanınmış bloqqer onu təhqir edənləri polisə verdi - VİDEO

Türkiyə əsilli tanınmış bloqqer Nagehan Abdullayeva onu təhqir edənlərdən polisə şikayət ərizəsi yazıb.

Lent.az-ın xəbərinə görə, o, bu barədə "Instagram" hesabında məlumat verib.

O, bildirib ki, barələrində şikayət etdiyi şəxslər saxlanılıb:

"Bu zamana qədər mənə təhqir yazanlara fikir vermirdim, sadəcə bloklayırdım. Gördüm ki, insanlar daha çoxunu edir. Yaxın zamanlarda polisə şikayət etmişdim. Nərimanov rayon Polis İdarəsi çox gözəl şəkildə məsələ ilə maraqlandı. Azərbaycan, ya Türkiyə vətəndaşı olsun, heç kim heç kimi təhqir edə bilməz. Bu gün məni təhqir edən üç nəfər tapılıb, məhkəmə qarşısına çıxarıldı. Barələrində sutkalıq həbs qərarı istənildi.

Məni təhqir edən şəxs 38 yaşında bir nəfərdir. Evlidir, övladları var. Uşaqları, həyat yoldaşı bilməsin, ailəsi ona nifrət etməsin deyə, həbs olunmasına qarşı çıxdım. "Yazıqdırlar", - dedim. Sanmayın ki, sizi kimsə tapan olmaz və s. Belə bir şey yoxdur. Mənə əxlaqsız ifadələr, təhqirlər yazmışdı. Hamı hər kəsi sevmək məcburiyyətində deyil, amma hörmət etməyə məcburdur".