Qanunsuz övladı ortaya çıxan musiqiçi: “Arvadımı yola gətirəcəm”

Dave Grohl və Jordyn Blum: Sınaqdan keçən evlilik

Məşhur musiqiçi Dave Grohl və həyat yoldaşı Jordyn Blum, altı ay əvvəl ortaya çıxan xəyanət skandalından sonra ilk dəfə birlikdə və xoşbəxt halda görüntüləniblər.

Xəyanət skandalı və etiraf

Lent.az xarici KİV-ə istinadən xəbər verir ki, 2024-cü ilin sentyabr ayında, Foo Fighters qrupunun solisti Dave Grohl, həyat yoldaşı Jordyn Blum-a xəyanət etdiyini və bu münasibətdən bir uşağının olduğunu etiraf etmişdi. O, sosial media hesablarından paylaşdığı üzrxahlıq mesajında, ailəsindən üzr dilədiyini və həyat yoldaşına özünü bağışlatmaq üçün hər şeyi edəcəyini bildirmişdi.

Jordyn Blum-un reaksiyası

22 illik həyat yoldaşının xəyanətini öyrənən Jordyn Blum, dərhal nişan üzüyünü çıxarmış və boşanma üçün vəkil tutub. O, Los-Anceles küçələrində kədərli halda görüntülənmişdi.

Altı ay sonra birlikdə görüntüləndilər

Hadisədən altı ay sonra, cütlük ilk dəfə birlikdə və xoşbəxt halda görüntülənib. Xüsusilə, Dave Grohl-un nəşəli və gülümsəyən halı diqqət çəkib. Jordyn Blum da daha rahat və məmnun görünürdü. Buna baxmayaraq, cütlüyün evliliyinin gələcəyi hələ də qeyri-müəyyənliyini qoruyur.

Uşaqlar və ailə vəziyyəti

Dave Grohl və Jordyn Blum-un 18 yaşında Violet, 15 yaşında Harper və 10 yaşında Ophelia adlı üç qızı var. Xəyanət skandalından sonra, cütlüyün evliliyindəki problemləri həll edib-etmədikləri hələ də məlum deyil. Lakin son görüntülər, onların münasibətlərində irəliləyiş olduğunu göstərir.