Dünyaca məşhur futbolçu Devid Bekhemin oğlu, moda sektorunda parlayan Bruklin Bekhem həyat yoldaşı Nikola Pelts ilə birlikdə ailəsi ilə bütün əlaqələrini kəsib.
Lent.az xarici KİV-ə istinadən xəbər verir ki, məşhur cütlüyün Devid və Viktoriya Bekhemə (məşhur moda ulduzu) hüquqi xəbərdarlıq göndərərək yalnız vəkillər vasitəsilə əlaqə qurulmasını istəməsi ailədaxili böhranı açıq şəkildə üzə çıxarıb.
İddialara görə, Bruklin Bekhem valideynlərindən onunla birbaşa əlaqə qurmamalarını və sosial mediada onun haqqında hər hansı paylaşım etməmələrini istəyib. Bekhem cütlüyünün onu etiketlədiyi və ya adını istifadə etdiyi paylaşımların Bruklinin psixoloji vəziyyətinə mənfi təsir etdiyi, buna görə də bu xəbərdarlığın özünü qoruma məqsədi daşıdığı qeyd olunub.
“Hər şey psixoloji sağlamlığını qorumaq üçün idi”
Mirror qəzetinə danışan mənbə bildirib ki, Bruklin Bekhemin dayanmaqla bağlı tələblərinin nəzərə alınmaması ailədaxili gərginliyi daha da artırıb. Mənbə deyib: “Bu vəziyyət onun psixoloji sağlamlığı üzərində ciddi təzyiq yaradırdı. Atılan addımlar tamamilə özünü qorumaq məqsədi daşıyırdı.” Həmin mənbə əlavə edib ki, Bruklin ailəsinin onu hələ də uşaq kimi gördüyünü və yetkin bir insan kimi qəbul etmədiyini düşündüyünü də bildirib.
Sosial mediada bağlar qopdu
Mübahisə Nikola Peltsin həftəsonu Instagram hesabından Bekhem ailəsinə dair bütün izləri silməsi ilə daha da böyüyüb. Bruklin Bekhemin eyni addımı atmadığı, lakin bir müddət əvvəl ana-atasını və qardaş-bacısını sosial mediada blokladığı öyrənilib.
Ailə böhranı toyla başladı
Bruklin Bekhem və Nikola Pelts 2022-ci ildə Floridada evlənmişdi. Bu evlilik, eyni zamanda cütlük ilə Bekhem ailəsinin digər üzvləri arasında uzun müddətdir danışılan ailədaxili gərginliyin başlanğıcı kimi qiymətləndirilib. Həmin dövrdə ən çox diqqət çəkən iddialardan biri Nikola Peltsin Viktoriya Bekhemin hazırladığı gəlinliklərdən birini geyinməkdən imtina etməsi və gəlinlə qayınana arasında gərginlik yaşanması olmuşdu. Bundan əlavə, toyda səhnəyə çıxan bir müğənninin Viktoriya Bekhemi “gecənin ən gözəl qadını” kimi təqdim etməsindən sonra Nikola Peltsin ağladığı da iddia edilirdi.
Vacib günlərdə bir araya gəlmədilər
Ötən may ayında Devid Bekhemin Londonda keçirilən 50 illik ad günü tədbirində bütün övladları iştirak etsə də, dəvət olunmalarına baxmayaraq Bruklin və Nikola Pelts həmin gecədə yer almayıb. Bruklin Bekhem anası Viktoriya Bekhemin sənədli filminin qala gecəsinə və atası Devid Bekhemin sahibi olduğu Inter Mayaminin çempionluq tədbirinə də qatılmayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
