Sevinc-Sevil gizli ailə qurdu? - "Başqa müğənninin əri olub..."

Sevinc-Sevil Səfərova bacıları gizlin ailə qurmaları xəbərinə reaksiya verib.

Lent.az-ın məlumatına görə, bacılar “Şou ATV”-də bildiriblər ki, şəxsi həyatları ilə bağlı yazılanlar doğru deyil:

"Nişan da yox, yazılmışdı ailə qurub. Özü də naxçıvanlı iş adamı ilə. Ötəri yanaşdıq, güldük keçdik. İkinci dəfə toy xəbəri yaysalar belə, sakit dayanmayacağıq. Nəslimiz, ailəmiz var. Sevil və Sevinc göbələkdir, sahib çıxanı yoxdur? Bilirsiz, nə qədər insan zəng etdi?

Anam Bakıda yoxdur, həyəcanla zəng edib. Deyir, nə xəbərdir? Hər zaman çalışdıq ki, şəxsi həyatla gündəmə gəlməyək. Niyə bizim həyatımız müzakirə edilsin? Toy olsa da, gizlədəcəyik. İstəmirik müzakirə olunsun.

Ailə başçımız qardaşım sayılır. İndi o da Bakıda yoxdur. Anam 1 aylıq getmişdi qardaşımın yanına, karantin başladı, qaldı orada.

Sonra da yazdılar ailə qurduqları şəxs hansısa müğənninin keçmiş əri olub. Müğənninin keçmiş əri yaxşı adam olsaydı, elə onun yanında qalardı".