Seda Sayan: “Azərbaycan məni bəzi söhbətlərlə xatırlayır” - EKSKLÜZİV

“Azərbaycandan növbəti konsert təklifi gəlsə, mütləq qəbul edəcəyəm. Bakını çox sevirəm, illər əvvəl Heydər Əliyev Sarayında konsert verdim. Orda da mənim çoxlu heyranlarım var. Ümumiyyətlə, Azərbaycanda çox populyar olduğumu bilirəm. Azərbaycanlılar məni bəzi söhbətərlə xatırlayır”. Bunu Türkiyənin məşhur sənətçisi Seda Sayan Lent.az-a eksklüziv açıqlamasında verib. O, erməni köklərinin olduğu barədə iddiaları rədd edib.

Seda Sayan “Eurovision” təmsilçilərimizi də qalibiyyət münasibətilə təbrik edib: “Məncə, təbrik üçün gecikməmişəm. Azərbaycanlı qardaşlarımızın qələbəsi uzun müddət hafizələrdə qalacaq. Təmsilçilərinizə uğurlar arzu edirəm!”

Seda Sayan “Show” telekanalından ayrılıb, yaxın günlərdə “BəyazTv” proqramında proqram aparacağına dair xəbərlərə də aydınlıq gətirib: “Doğrudur, “Bəyaz Tv”dən Ramazan bayramına özəl bir proqram təklifi aldım. Müqaviləni də göndəriblər, lakin hələ də düşünürəm. Artıq mətbuatda təklifi qəbul etdiyimi yazıblar. Lakin hələ başqa kanalda proqram aparacağımı dəqiqləşdirməmişəm”.

Lalə Yusifqızı