Azərbaycan “Eurovision-2011”in finalında 19-cu çıxış edəcək

Mayın 14-də Düsseldorf “Esprit Arena”da keçiriləcək final mərhələsində çıxış edəcək 25 ölkənin sıra nömrələri məlumdur.

APA-nın Düsseldorfa ezam olunmuş xüsusi müxbirinin verdiyi məlumata görə, II yarımfinal mərhələsindən dərhal sonra finala vəsiqə qazanan daha 10 ölkənin təmsilçiləri mətbuat konfransı keçiriblər. Konfrans çərçivəsində finala vəsiqə qazanan hər ölkə təmsilçisinə suallar ünvanlanıb və təmsilçilərin finalda çıxış edəcəyi nömrələrin müəyyənləşdirməsi üçün püşkatma keçirilib.

Beləliklə, mayın 14-də Düsseldorf “Esprit Arena”da Finlandiya 1, Bosniya və Hersovoqina 2, Danimarka 3, Litva 4, Macarıstan 5, İrlandiya 6, İsveç 7, Estoniya 8, Yunanıstan 9, Rusiya 10, Fransa 11, İtaliya 12, İsveçrə 13, Böyük Britaniya 14, Moldova 15, Almaniya 16, Rumıniya 17, Avstriya 18, Azərbaycan 19, Sloveniya 20, İslandiya 21, İspaniya 22, Ukrayna 23, Serbiya 24 və Gürcüstan 25-ci çıxış edəcək.

Qeyd edək ki, mayın 10-da və 12-də Düsseldorf “Esprit Arena”da keçirilən yarımfinallarda iştirakçı ölkələrdən 20-si finalda çıxış etmək şansı qazanıb. Ümumilikdə final mərhələsində 25 ölkə təmsilçisi birincilik uğrunda yarışacaq.