Elariz: “20 ildən artıqdır, keçəl olduğuma fikir vermirlər”
12 oktyabr 2009 11:15 (UTC +04:00)

Elariz: “20 ildən artıqdır, keçəl olduğuma fikir vermirlər”

Müğənni Elariz Məmmədoğlunun barəsində yeni məlumat yayılıb. Lent.az-a daxil olan məlumata görə, müğənni başına tük əkdirməklə, saçındakı seyrəlikdən birdəfəlik azad olmaq niyyətindədir. Ancaq Elarizin özü Lent.az-a açıqlamasında bu xəbərin həqiqətə uyğun olmadığını söyləyib: “Son günlər haqqımda müxtəlif cür, deyərdim ki, ağılagəlməz xəbərlərin yayılması diqqətimə səbəb olub. Mənə maraqlıdır ki, bu cür məlumatlar kimlər tərəfindən və nəyə görə ictimaiyyətdə yayılır. Bəli, başıma tük əkdirməklə bağlı yayılan söz-söhbətləri özüm də eşitmişəm. Ancaq hələ belə bir niyyətim yoxdur. Təvazökarlıqdan uzaq səslənsə də deməliyəm ki, professional səhnədə sözünü deməkdə olan Elariz üçün bundan sonra başında tük olması elə də böyük əhəmiyyət kəsb etmir. Yəni sənətimə qiymət verənlər, 20 ildən artıqdır ki, keçəl olduğuma fikir vermirlər” .

Yaradıcılığında bir sıra yeniliklər edəcəyini vurğulayan Elariz, sürprizləri haqqında indidən danışmaq istəməyib: “Jurnalistlər və çox dəyərli pərəstişkarlarım bir az da səbr etsinlər, bütün yeniliklərimdən xəbərdar olacaqlar”.

Lalə Yusifqızı
# 557

Oxşar yazılar