Eldar Mansurov: “Aysel özünü itirdi, Araş isə sərbəst oxudu”

Bəstəkar təmsilçilərimizin çıxışını qiymətləndirib

Bəstəkar Eldar Mansurov “Eurovision-2009”-dakı təmsilçilərimizin çıxışına yüksək xal verməsə də, ümumilikdə yaxşı çıxış kimi qiymətləndirir. Bu barədə o, Lent.az-a açıqlamasında deyib: “Yaxşı çıxışdı. Açığı, peşəkar musiqiçi kimi razı qalmadım. Ümimilikdə qiymətləndirsək, çox zəif müsabiqə idi. Bizim ifaçıların şou-proqramı çox qısadı. Musiqi tərəfdən də çox zəifdir. Ötənilki iştirakçılarımızı da görmüşəm...”

Bəstəkar Norveçi təmsil edən iştirakçını çox bəyənib: “ Norveçdən gələn oğlan xoşuma gəlib. Mən sovet dövründə “Eurovisiona” çox baxırdım. İndi belə müsabiqələrin azarkeşi deyiləm. Sadəcə olaraq əvvəllər maraq var idi, indi marağım sonüb”.
E.Mansurov Aysel və Araşın ifasına şərh verib: “Aysel özünü çox itirmişdi, Araş daha sərbəst idi”.

Mansurovun fikrincə, müsabiqədə nə mahnı, nə də SMS rol oynayır: “Gəlin, real baxaq. Bu müsabiqədə Azərbaycana SMS də rol oynamır. Dövlətlər öz aralarında danışıb razılaşırlar ki, müsabiqə harada olsun”.

Lalə Yusifqızı