Bu dəfə müğənni Röyaya qadağa qoyuldu

Lent.az-ın açıqlamasına görə, bu barədə layihənin yaradıcı rəhbəri Dmitri İskakov bu gün keçirdiyi mətbuat konfransında deyib: “Əvvəlcə bu layihədə müğənni Röyanın üçlükdən biri olmasını planlaşdırmışdıq. Lakin sonradan ideyamızdan imtina etdik. Buna Röyanın səhhəti və haqqında xəbər yazmamaq üçün mətbuata qadağa qoyması səbəb oldu”.

Xatırladaq ki, bir müddət əvvəl Röya Ayxanın mətbuat katibi müğənninin saytlarda və mətbuat orqanlarında barəsində material yerləşdirilməsinə qadağa qoyması ilə bağlı açıqlama yaymışdı.

Qeyd edək ki, layihədə xalq artistləri Aygün Kazımova, Brilyant Dadaşova və Zülfiyyə Xanbabayeva iştirak edəcəklər.

Hər üç ulduz son onilliyi müxtəlif imiclərlə yenilənmiş obrazlarla təqdim edəcək. Səksəninci illərdən bu günə qədər olan zaman kəsiyi fərqli çalarla təqdim olunacaq. Müğənnilər fotoşəkillər və videoçarxlarla müxtəlif imiclərdə təqdim olunacaqlar.

Lalə Yusifqızı