Zirəddin Rzayevə qara brilyantla bəzənmiş qolbağı bağışlayıblar

Lent.az-ın Vesti.az-a istinadən verdiyi xəbərə görə, bu əlamətdar gündə o, öz yaxın dostlarını dəvət edib. Qonaqlar arasında məşhur rus müğənnisi Stas Pyexa da olub.

Ad günündə dostları Zirəddini gül-çiçək və hədiyyələrə qərq ediblər. “Mən xoşbəxtəm ki, sədaqətlərinə əmin olduğum çoxlu dostlarım var. Onlar həyatımın təkcə belə şad günlərində deyil, çətin zamanlarımda da yanımda olacaqlar. Məni ilk olaraq həyat yoldaşımla dostum Stas Pyexa təbrik etdilər. Səhər saat dördə qədər ad günümü qeyd etdik” - Zirəddin Rzayev bunları Vesti.az-ın müxbirinə verdiyi müsahibədə deyib.

“Aldığınız ən qiymətli hədiyyə hansı oldu” sualına Zirəddin Rzayevin cavabı belə olub: “Bütün dostlarımın hədiyyələri mənim üçün dəyərlidir. Stas mənə Louis Vuitton-dan bahalı əl çantası hədiyyə elədi, rəfiqəsi isə böyük gül dəstəsi bağışladı. Dostum Məhərrəm Şəmkirli qızıl əşya, Valeriy və Vadim İlişayev qardaşları isə YOHN HARDİ-dən qara brilyantla bəzədilmiş gümüş qolbağı bağışladılar. Amma ən əsası odur ki, onlar belə bir gündə mənim yanmda idilər”.