Teleaparıcı İlkin Həsəni: “Vaxt gələr, onun kimliyini açıqlayaram!”

Teleaparcı Lent.az-a açıqlamasında doğum gününü şəhər kənarında oğlan dostlarının əhatəsində qeyd edəcəyini bildirib: “Bu il də ad günümü oğlan dostlarımın əhatəsində qeyd edəcəm. Ola bilsin, dostlarım qız rəfiqələri ilə qonaq olacaq, özümsə hələlik bu ad günümü də tək qeyd edəcəm”.

Həsəni artıq evlilik mövzusunda valideynlərindən də təzyiq gördüyünü etiraf edib: “Artıq valideynlərim söz atmağa başlayıb. Bir neçə ildir, doğum günümdə söz verirəm ki, bu il ailə quracam...”

Teleaparıcı hələlik ürəyində heç kimin olmadığını iddia etsə də, sonra sətiraltı işarələrlə özünü təkzib etməli olub: “Ola bilsin, qızlar işimə qeyri-ciddi baxırlar, biz də azdan-çoxdan nəzər yetirib görürük ki, şou-biznesdə olan sənətçilər evlənib bir neçə aydan sonra boşanır. Bəlkə bu da istər-istəməz bizim də haqqımızda təəssürat yaradır. Artıq bir neçə hədiyyə almışam, bunların arasında ən yadda qalanı gecə 12-dən sonra yaxşı bir zəng olub... Qoy hələlik sirr kimi qalsın... Vaxt gələr, onun kimliyini açıqlayaram!”

Lalə Yusifqızı