“Rza Zərrabla mənə Ebru Gündəşin yanından sevgi mesajları göndərir”

Azəri qızı Günel Ebru Gündəşi yıxıb-sürüdü

Azəri qızı Günel keçmiş sevgilisi Rza Zərrabla bağlı maraqlı açıqlama verib.

Lent.az-ın məlumatına görə, müğənni “Star TV”də yayımlanan “Orada nələr olur?” proqramına qonaq olub. Günel “Rza Zərrabla 8 il bərabər olduq, amma Azərbaycan adət-ənənələrinə uyğun yaşadıq, onunla indi sevgilisi olduğunu iddia edən qadın kimi bir evdə qalmadım, mən gənc qızam, o qadını isə hamı tanıyır”, - deyə iddialı danışıb.

Azəri qızı bunları açıqlamaqla kifayətlənməyib. O, Rza Zərrabın 25 yaşının olduğunu söyləyib: “Yuva yıxanın yuvası olmaz, Rzanın hələ 25 yaşı var, onun 35 yaşlı Ebru Gündəşlə evlənib ailə quracağını düşünmürəm. Heç Rzanın ailəsi də buna icazə verməz”.

Günel “sevgiliniz illərdir, Ebru Gündəşin pərəstişkarı imiş, onunla evlənmək istəyrimiş” sualına isə “maraqlıdır, Rza hər gün evimə 23 qızılgül və səhləb çiçəyindən ibarət səbət göndərir. Mənim 23 yaşım var. Çiçəklərin arasındakı kartda isə “çox böyük səhv elədim, peşmanam, bircə “hə” desən, kifayətdir, qaça-qaça gələrəm, yalvarıram”, - deyə yazılır. Ebru Gündəşə aşiq olan adam bunu etməz. Rza Ebrunun yanından mənə sevgi mesajları göndərir, deməli, xoşbəxt deyil”, - şəklində cavablandırıb.