“Yıldız Tilbəni qadın alverçilərinin əlindən aldım”

İbrahim Tatlısəs: “Bir də onun mahnısını oxusam, şərəfsizəm”

Türkiyənin “ATV” kanalında yayımlanan “İbo Show” proqramında qalmaqal baş verib.

Lent.az-ın məlumatına görə, proqramın aparıcısı müğənni İbrahim Tatlısəslə qonağı Yıldız Tilbə arasında mübahisə yaranıb, sənətçilər canlı yayında bir-birlərini küçə söyüşləri ilə təhqir ediblər.

Belə ki, Yıldız Tilbə “Kandıramazsın məni” mahnısını oxuyarkən, Tatlısəs mahnını yarımçıq kəsib. Yıldız Tilbə mahnını bitirəndən sonra isə proqramda reklam fasiləsi verilib. Fasilədən sonra Tatlısəs çıxış edərkən Yıldız Tilbe sözünü kəsərək, özünə qarşı hörmətsizlik etdiyini deyib. Bunun qarşılığında İbo Yıldız Tilbenin keçmişdə döyüldüyünü və ondan kömək istədiyini iddia edib və “Səni qadın satanların əlindən aldım, xilas elədim”, - deyib.

Qadın müğənni isə əsəbiləşərək “Məni heç kim qadın alverçilərinin əlindən almayıb, sizdən kömək istəmişəmsə, bunu burda niyə deyirsiniz, çox ayıb edirsiniz”, - şəklində cavab verib. İki sənətçi arasında mübahisə qızışıb və Yıldız Tilbə proqramı tərk edib.

Tatlısəs müğənninin arxasından “nə vaxt proqrama qatılsa, “onu eləmərəm, bunu demərəm, bunu soruşma”, - deyir. Lənət olsun, gəlmirsən, gəlmə, mahnını da istəmirəm, özünü də”, - deyib.

O, ansamblına da bundan sonra Yıldız Tilbənin mahnılarını çalmamağı əmr edib: “Bir də onun mahnısını oxusam, şərəfsizəm, çünki bu yırtıcını mən yaratmışam, tükənmişdi, yenidən mən gündəmə gətirdim, Məndən uzaq ol, istəyirsən, Misirdə Sultan ol, öləcəyimi bilsəm, onun mahnısı burda səslənməyəcək”.