Tanınmış maneken: “Mübariz Mənsimovun sevgilim olmayıb”

Türkiyənin “Sabah” qəzetinin əməkdaşı Bülənd Cankurtun tanınmış maneken Dəniz Akkaya ilə bağlı qaldırdığı iddia üzrə məhkəmə prosesi davam edir.

Lent.az-ın “Haberturk”ə istinadən məlumatına görə, bugünkü prosesdə D.Akkaya ifadə verib. Maneken məqsədinin jurnalisti təhqir etmək olmadığını deyərək, iddianı rədd edib.
O, “Cankurt mənim azərbaycanlı iş adamı Mübariz Mənsimovla sevgili olduğumu, dörd ay ərzində onunla xaricdə görüşdüyüm yazıb, bunların hamısı yalandır”, - deyib.

Maneken bildirib ki, 4 aydan ərzində ölkədən çıxmadığını təsdiqləmək üçün pasportunu qəzetə aparıb, Mübariz Mənsimov xəbərlə bağlı dərhal təkzib verib. Ancaq Bülənd Cankurt bu təkzibi yayımlamayıb. O, azərbaycanlı iş adamını heç tanımadığını vurğulayıb.

Qeyd edək ki, həmin xəbərdən sonra maneken jurnalist haqqında təhqiramiz ifadələr işlədib, nəticədə Cankurt onu məhkəməyə verib.

Lalə Yusifqızı