Nazpəri Dostəliyeva Gürcüstanda konsert verəcək

Konsertdə xalq artisti ilə bərabər “Next” qrupu da iştirak edəcək

Xalq artisti Nazpəri Dostəliyeva 28 may Müstəqillik Günündə Gürcüstanda konsert verəcək. Bu barədə Lent.az-a tədbirin təşkilatçısı “Europe Star” kompaniyasının mətbuat xidmətindən məlumat verilib. Müğənninin “Getdi yar” klipində yer alan gənclərdən ibarət “NEXT” qrupu da səhnədə olacaq.

Tiflis Dövlət Filarmoniyasında baş tutacaq konsertdə Nazpəri Dostəliyeva, eləcə də “Next”dən sürpriz ifalar gözlənilir.

Təşkilatçı qismində çıxış edən “Europe Star” kompaniyası direktoru Seyid Təbrizi isə seçimlərinin niyə məhz bu sənətçilər olmasına isə bu cür aydınlıq gətirib: “Nazpəri xanım çox sevilən sənətçidir, xüsusilə də burada yaşayan həmyerlilərimiz tərəfindən. Nazpəri Dostəliyevanı və son zamanlar populyarlaşan “NEXT” qrupunu dəvət etdik. İnanıram ki, bu konsert nəinki, burada yaşayan azərbaycanlıların hətta, gürcülərin də ürəyincə olacaq. Öncə Azərbaycanın Müstəqillik günü olduğu üçün biz bunu oradakı həmyerlilərimizə hədiyyə edəcəyik”.

Nəzrin