Faiq Ağayev qəzəbləndi: “Elə eləməsin, el içində rüsvay eləyim onu”

“O Səkinənin qulağının dibinə bir-iki dənə çəkərəm, ağlı gələr başına”

Martın 17-də ATV telekanalında canlı yayımlanan “Xeyir ola” verilişində müğənni Nadir Qafarzadə xalq artisti Faiq Ağayevin ünvanına xoşagəlməz ifadələr işlədib. “Faiq Ağayevin alnında bir söz yazılıb: xoruz!..”

Xalq artisti Faiq Ağayev Lent.az-ın redaksiyası ilə əlaqə saxlayaraq, Qafarzadənin dediklərinə münasibət bildirib. Onun dediklərini olduğu kimi təqdim edirik: “O Səkinənin qulağının dibinə bir-iki dənə çəkərəm, ağlı gələr başına. O azıb deyəsən. Bu günə kimi övladlarına, arvadına qıymayıb layiq olduğu sərt cavabı ona verməmişəm. Elə eləməsin ki, el içində rüsvay eləyim mən onu. Qaşınan başını aşağı salıb, bir tikə çörəkpulunu qazansın. Daha başından böyük hərəkət etməsin. Sabahını düşünsün”.