Gövhər Həsənzadə “Nostaljı günlər” aksiyasına başlayır

Bəstəkar Gövhər Həsənzadə fevralın 22-də “Nika” adlandırdığı fan-klubunun açılışını edib. Bu barədə Lent.az-a məlumat verən mətbuat katibi Ceyran Nəriman bildirib ki, klub açılar-açılmaz artıq bir sıra görüşlərin təşkili planlaşdırılıb.

Mətbuat katibi onu da deyib ki, Azərbaycan estradasının tanınmış nümayəndələri, estradanın inkişafı üçün çalışanlar, retro estrada ulduzların, klassikaya çevrilən , yaddaşlarda iz salan, unudulmaz ifaya imza atan, əsl Azərbaycan estradasına xidmət edən qocaman estrada nümayəndələri burada bir araya gələcək, onlar üçün xüsusi estrada gecələri keçiriləcək.

Hətta Azərbaycandan kənarda yaşayan soydaşlarımız da Gövhər Həsənzadənin “Nostalji günlər” adlı bu aksiyasına qoşulacaq.

Qapalı keçiriləcək aksiyanın mediada işıqlandırılmaması nəzərdə tutulur.

Aksiyanın əsas məqsədi qocaman sənətkarların xatirələrində gizlənən milli estradamız barədə bilgilər toplamaq və bir növ unudulmaqda olan 70 illik tarixə malik estrada arxivini yaratmaqdır.

Lalə Yusifqızı