İspaniya... Nadir Qafarzadə... “rakkada çıkkada”...

Daha dəqiq desək, sənətçi istirahəti ilə yanaşı, yaradıcılıq işlərini də unutmayıb. Nadir sözügedən ölkədə növbəti klipini çəkdirib.

Lent.az-ın məlumatına görə, N.Qafarzadənin klipində İspaniya səfəri tam olaraq öz əksini tapıb. Çəkilişlər əsasən Madridin küçələrində və Hava Limanında aparılıb.
Onu da deyək, bu klip yalnız görüntüləri ilə deyil, həm də adı ilə fərqlənir. Müəllifi Murad Arif olan mahnı “Rakkada çıkkada” adlanır.

Ekran əsərinin müəllifi isə rejissor Rüfət Nəzərlidir. Rejissorun sözlərinə görə, klip rəngarəngliyi ilə digərlərindən seçiləcək: “İşimi tərifləmək kimi çıxmasın, amma çox maraqlı və eyni zamanda ritmik, dinamik klip alınıb. Bildirim ki, qrafika üslubunda montaj olunan klipin bir hissəsi HD formatlı Foto Canon-a, yarısı isə HD formatlı Kameraya çəkilib”.

Qeyd edək ki, klip bu gündən etibarən telekanalların efirində yayımlanacaq

Nəzrin