Rəşad İlyasov həmkarlarının yalanını üzə çıxardı

Müğənni Rəşad İlyasov yeni klip çəkdirir. Bu barədə Lent.az-a açıqlama verən müğənni bildirib ki, hazırda klip çəkilişləri davam edir: “Bu yaxınlarda “Mənə əllərini ver” adlı qədim türk mahnısını oxudum. Mahnıda məni tanınmış musiqiçilər, əməkdar artist Ənvər Sadıqov və Ramin Həsənov müşayiət etdi. Daha sonra qərara aldım ki, bu mahnıya ekran həyatı verim. Elə bunun üçün də rejissor Fuad Əlişova müraciət etdim. Klipin süjet xətti olmasa da, düşünürəm ki, fərqli bir klip ərsəyə gələcək”.

Müğənni həmkarlarının əcnəbi rejissorlara fantastik qiymətə çəkdirdikləri kliplərə də münasibət bildirib: “Mən arada türk və rus rejissorların ucuz qiymətə çəkdikləri kliplərə baxıram və bəyənirəm. Elə mənim yeni çəkdirdiyim klipə də çox vəsait xərcləməmişəm. Amma istədiyim səviyyədə klipin ərsəyə gələcəyini düşünürəm. Bəzi həmkarlarım isə ucuz qiymətə çəkdikləri kliplərinin qiymətini süni şəkildə qaldırmaqla, ucuz reklam sayəsində gündəmdə olurlar. Bu, mənlik deyil”.

Yalçın Süleymanov