Elza Seyidcahan sözünü tutmadı - FOTO

Əməkdar artist Elza Seyidcahan müğənni Ramal İsrafilovla barışıb. Lent.az- məlumatına bir neçə gün öncə mükafat almaq üçün Kiprə səfər edən müğənnilər elə orada barışıblar. Onların küsülülüyünün uzun sürmədiyi tədbir zamanı çəkilən şəkillərdə də sezilir. “Facebook”da müğənnilərin tədbir zamanı çəkdirdikləri fotolar yayılıb.

Qeyd edək ki, əməkdar artist “ Sevgililərin rekviyemi” adlı klipinin təqdimatı zamanı həmkarının ünvanına bu sözləri söyləyib: “ Klipimin təqdimatına müğənni Ramal İsrafilovu da dəvət etmişdim. Lakin o, gəlmədi. O, gərək məndən də tez bu tədbirdə olaydı. Amma bu, belə olmadı. İndi biz Türkiyəyə onunla mükafat almağa gedirik. Onun mükafat almasının səbəbkarı da mənəm. Amma çox şey danışmaq istəmirəm. Artıq mən onunla danışmıram. Bu axşam mən onunla, hava limanında qarşılaşmalıyam. O, hansı üzlə mənə yaxınlaşacaq? Yaxınlaşsa belə, mən danışmayacağam. Mən ona mahnı vermişəm, pulsuz-parasız. Amma bu gündən etibarən heç bir gənc müğənniyə nə mahnı hədiyyə edəcəyəm, nədə ki, dəstək olacağam. Bu qədər etdim, yetər”.