Həbsdə olan "qanuni oğru"ya yenə HÖKM OXUNDU

Vladimir vilayətinin prokurorluğu həbsdə olan Gürcüstan vətəndaşına qarşı yeni hökm çıxarıb.

Lent.az Rusiya mediasına istinadla bildirir ki, o, cinayət iyerarxiyasında ən yüksək mövqe tutmaqda təqsirli bilinir.

Təqsirli bilinən şəxs “Patsua” ləqəbli Fridon Sulakvelidzedir. O, 2011-ci ildə “qanuni oğru” adı alıb. 2019-cu ildə Vladimir vilayətinin Federal Penitensiar Xidmətinin 1 saylı İstintaq Təcridxanasında bütün məhbuslara xüsusi statusunu göstərib və məhbuslar tərəfindən tanınıb. Üstəlik, qeyd olunur ki, o, istintaq təcridxanasının bütün qaydalarını pozaraq bunu edib.

“Patsua” həbsxanada həmçinin kriminal subkulturanın qaydalarını və adətlərini təbliğ etməkdə günahlandırılıb, ona yaxın olan hər kəsə “oğru ideyaları” tətbiq edib.

Məhkəmə onu 9,5 il müddətinə xüsusi rejimli koloniyaya göndərib.

Hökm qanuni qüvvəyə minməyib.