Azərbaycanlı qısqanc kişi arvadını öldürdü
13 aprel 2024 11:15 (UTC +04:00)

Azərbaycanlı qısqanc kişi arvadını öldürdü

Rusiyanın Sankt-Peterburq şəhərində azərbaycanlı kişi 27 yaşlı arvadını qısqanclıq zəminində öldürüb.

Lent.az yerli mediaya istinadla bildirir ki, hadisə Şuşarıda baş verib. Kişi iki ay əvvəl qızı boğmağa çalışsa da, arvadı xilas olmağı bacarıb və polisə müraciət edib.

42 yaşlı Arazın həyat yoldaşından 15 yaş böyük olduğu bildirilir. Həmçinin qadın da azərbaycanlıdır. Cütlük Rusiyaya köçüb və vətəndaşlıq alıb.

Polis əməkdaşları mənzilə ilk dəfə yanvar ayında gəliblər. Daha sonra ölümlə hədələmə maddəsi ilə cinayət işi açılıb və ər öz ərizəsi ilə sərbəst buraxılıb.

Amma ötən gün əri bıçaqla arvadına hücum edib və boyun nahiyəsinə çoxsaylı zərbələr endirib. Nəticədə zərərçəkən ölüb.

Məlumata görə, həmin axşam qısqanc şəxs içki içib və özündən çıxıb.

Hazırda o, saxlanılıb və barəsində qətl maddəsilə cinayət işi açılıb.

# 5379
avatar

Mehman Nəbiyev

Oxşar yazılar