NAZİRLİK 100 manatlıq cərimə məsələsinə aydınlıq gətirdi

Vergilər Nazirliyi vergi ödəyicilərinin 100 manat cərimə ediləcəyi ilə bağlı xəbərlərə aydınlıq gətirib.

Lent.az xəbər verir ki, nazirliyin mətbuat xidmətinin rəhbəri Şahin Məmmədov sms-lərin oxunmamasına görə, cərimə tətbiq edilməsi məsələsinin gündəmdə olmadığını deyib: “Dünəndən etibarən bir sıra kütləvi informasiya vasitələrində belə bir məlumat yayılmaqdadır ki, Vergilər Nazirliyinin vergi ödəyicilərinə göndəridiyi SMS-lərin oxunmamasına və ya ona reaksiya verilməməsinə görə 100 manat məbləğində cərimə tətbiq ediləcək. Bu yanlış informasiyadır, belə bir şey yoxdur”.